Artigo de periódico sobre os riscos de internet

Ola! Aquí aportamos un fragmento do periódico La voz de Galicia que espero que vos guste.

Trata sobre un programa que abordará en Carballo os riscos de Internet e a violencia nas aulas.

Paréceme que é unha mostra da gran importancia que ten a prevención desta problemática na poboación infantil.

Un saúdo

O programa Aprender para educar abordará este ano en Carballo os riscos de Internet e a violencia nas aulas

Aprender para educar, o programa formativo para pais e nais que promoven

dende o curso 2004-2005 o Concello de Carballo e a Asociación Socio-Pedagóxica

 Galega (AS-PG), abordará este ano dúas cuestións de especial actualidade.

Por unha banda desenvolveranse seminarios de educación dixital para que os

 proxenitores aprendan a valorar e a controlar os riscos de Internet e, por outra,

 haberá obradoiros sobre violencia nas aulas e resolución de conflitos.

A concelleira de Educación, Mar Eirís, destacou na presentación do programa a

«importante responsabilidade educativa» que teñen as familias, e subliñou tamén

as dificultades coas que soen atoparse para compaxinar unhas actitudes cada vez

máis democráticas dentro da casa coa autoridade que deben exercer, como tales,

os pais e as nais. Por iso, insistiu nun chamamento á participación, xa que as

cuestións

 que se abordarán este ano son «moi, moi interesantes» e poden axudar aos

 proxenitores a desenvolver o seu papel de educadores.

No mesmo sentido, o alcalde, Evencio Ferrero, convidounos a facer unha

 reflexión sobre a importancia do ambiente familiar para a educación. «Os pais

 non só non poden permanecer á marxe da educación dos seus fillos,

 senón que teñen que ser protagonistas activos», dixo.

Aprender para educar comezará mañá (Pazo da Cultura, 20.00 horas)

co primeiro seminario de educación dixital, no que Brais Martínez, infotecnólogo e director de proxectos de SDWEB, explicará o rastro que deixa a navegación por Internet, as ameazas da Rede, a veracidade da información que se consulta ou as redes sociais. En todos eses temas afondará a vindeira semana.

Os días 23 e 30, José Ramón González López, pedagogo e formador en

estratexias comunicativas, habilidades sociais, resolución de conflitos e

prevención de condutas violentas, dará ós pais unha serie de claves para

previr a violencia e mellorar na resolución de conflitos.